Bangladesh poytaxtida yuz bergan yong‘in qurbonlari soni 81 kishiga yetdi

21-fevral kuni Bangladesh poytaxti Dakka shahridagi to‘rt qavatli turar joyda sodir bo‘lgan yong‘in oqibatida halok bo‘lganlar soni 81 kishiga yetdi. Bu haqda “TASS” xabar berdi.

Qayd etilishicha, 50 dan ortiq kishi kasalxonaga yotqizilgan. Ayrimlari og‘ir ahvolda.

Binodagi yong‘in 20-fevral kuni mahalliy vaqt bilan soat 22:30 da sodir bo‘lgan va keyinroq yana to‘rtta binoga tarqalgan.

Dastlabki taxminlarga ko‘ra, yong‘inga gaz balloni portlashi sabab bo‘lgan.

Ma’lumotlarga ko‘ra, yong‘in boshlangan bino kimyoviy mahsulotlar ombori sifatida ham foydalanilgan.

Mavzuga doir: Bangladesh poytaxtida yuz bergan yong‘inda 40 dan ortiq kishi halok bo‘ldi