2018-yilda Rossiyaga 2,5 mlnga yaqin o‘zbekistonlik keldi

Rossiyaga 2018-yilda 32,6 milliondan ortiq xorijlik keldi. Bu 2017-yilga nisbatan 1,6 foizga ko‘p, deya xabar beradi “Podrobno.uz”.

Mamlakat turoperatorlar assotsiatsiyasiga ko‘ra, oldingi yillardagi kabi asosiy oqim sobiq ittifoqdosh davlatlar hisobiga to‘g‘ri kelmoqda.

Reytingning birinchi qatorini ukrainaliklar (9,2 million kishi) egalladi. Ikkinchi o‘rinda qozog‘istonliklar (4,3 million), uchinchi o‘rinda esa o‘zbekistonliklar (2,4 million) qayd etildi.

Boshqa xorij davlatlari orasida Rossiyaga eng ko‘p qo‘shni mamlakatlardan mehmonlar kelgan. Xitoy (2,03 million), Finlyandiya (994,1 ming) va Polsha (728 ming) fuqarolari shular jumlasidan.