NASA olimlari Marsda kartoshka yetishtirish mumkinligini isbotladi

Xalqaro kartoshka markazi (International Potato Center) mutaxassislari NASA olimlari bilan birgalikda maksimal darajada Marsnikiga o‘xshash bo‘lgan sharoitlarda kartoshka yetishtirish bo‘yicha tajribalar muvaffaqiyatli yakunlangani haqida e’lon qildi. Bu haqda “Phys.org” saytida ma’lumot berildi.

Tadqiqotchilar kartoshka yetishtirishda asosiy parametr to‘g‘ri sug‘orish va ozuqa moddalarini qo‘shishdan iborat ekanligini ko‘rsatib berdi. Ular CubeSat tizimi mikrozondi korpusi ichida kartoshka tugunaklarini o‘stirdi, u yerda Marsga xos tuproq va atmosfera tarkibi, bosim va boshqa ko‘rsatkichlar saqlab turildi.

Shu tariqa, olimlar Endi Uirning “Marslik” romanida keltirilgan elementlardan birini tekshirib ko‘rishga muvaffaq bo‘ldi. Unda astronavt Mark Uotni Qizil sayyorada yolg‘iz qolib ketgach, issiqxona qurib, Marsdagi birinchi kartoshka hosilini yig‘ib olgan edi.