Boliviya muhojirlar huquqiga bag‘ishlangan xalqaro konferensiya o‘tkazishga qaror qildi

Boliviya AQSh va boshqa davlatlar tomonidan migratsiya siyosatida ko‘rilayotgan keskin choralar munosabati bilan muhojirlar huquqiga bag‘ishlangan Butundunyo xalqlar konferensiyasini o‘tkazadi. Bu haqda mamlakat prezidenti Evo Morales ma’lum qildi, deya xabar beradi “TASS”.

“Yuzaga kelgan muammolarni inobatga olib, biz — hukumat va jamoat tashkilotlari mazkur tadbirni dunyo darajasida o‘tkazishga qaror qildik. Biz dunyo xalqlarini umumiy fuqarolikni yaratish va chegaralarni bartaraf etishga chaqiramiz”, — deya ta’kidladi Morales.

Boliviya rasmiylari 20—21-iyun iyun kunlari Tikipayya shahrida o‘tadigan xalqaro konferensiyada turli davlat hukumatlari vakillari, ekspertlar, huquqshunoslar va faollar ishtirok etishini kutmoqda.