Urgutda uy sharoitida tayyorlangan salat iste’molidan so‘ng 16 yashar o‘smir hayotdan ko‘z yumdi

23-fevral kuni Samarqand viloyatining Urgut tumanida yashovchi R.S. ism-sharifli ayol xonadonida oila a’zolari bilan birgalikda uy sharoitida tayyorlangan pomidor va bodring mahsulotlaridan tayyorlangan tuzlama salat iste’mol qilib, oilaviy zaharlangan. Bu haqda IIV jamoatchilik va OAV bilan aloqalar boshqarmasi xabar berdi.

Oila a’zolari kasalxonaga yotqizilgan. Ko‘rsatilgan tibbiy muolajalarga qaramay, ayolning 16 yoshli nabirasi D.D. vafot etgan.

Holat yuzasidan surishtiruv ishlari olib borilmoqda.