Otabek Mustafoyev Uzumchilik va vinochilikni rivojlantirish agentligi direktori etib tayinlandi

Hukumat qarori bilan Otabek Mustafoyev Qishloq xo‘jaligi vazirligi huzuridagi Uzumchilik va vinochilikni rivojlantirish agentligi direktori etib tayinlandi. Bu haqda “Huquqiy axborot” kanali ma’lum qildi.

Agentlikning asosiy vazifasi uzumchilik va vinochilik sohasida yagona davlat siyosatini yuritish, sohani rivojlantirishga yo‘naltirilgan kompleks maqsadli dasturlarni ishlab chiqish va amalga oshirish hisoblanadi.