Turkiyada Erdo‘g‘onga suiqasd uyushtirishda ayblanayotganlarga tuxumlar uloqtirishdi

Turkiya prezidenti Rajab Toyyib Erdo‘g‘on tarafdorlari davlat rahbariga suiqasd uyushtirishda ayblanayotganlarga tuxumlar uloqtirdi. Bu haqda Hurriyet Daily News xabar bermoqda.

Hodisa mamlakatning Mug‘la viloyati sudi binosi yaqinida ro‘y berdi. Mazkur ish bo‘yicha muxolifatchi Fathulloh Gulenning 47 nafar tarafdori tergovga tortilgan.

Eslatib o‘tamiz, 2016-yil 16-iyulga o‘tar kechasi davlat to‘ntarishiga urinish chog‘ida bir guruh harbiylar Erdo‘g‘on dam olayotgan Marmarisdagi mehmonxonaga hujum qildi. Hujum Turkiya yetakchisi binoni tark etganidan bir necha daqiqa o‘tib uyushtirilgandi. “Daryo”ning Telegram’dagi rasmiy kanali — @toshqindaryo’ga a’zo bo‘ling!