Yaponiyaning O‘zbekistondagi sobiq elchisi JIDUda ma’ruza o‘qish uchun Toshkentga keldi

O‘zbekiston Tashqi ishlar vazirligida 10-mart kuni Yaponiyaning taniqli siyosiy va jamoat arbobi Akio Kavato bilan uchrashuv bo‘lib o‘tdi. Bu haqda vazirlik matbuot xizmati xabar bermoqda.

2002—2004-yillarda O‘zbekistonda elchi bo‘lib ishlagan professor Akio Kavato Toshkent shahriga madaniy-gumanitar sohadagi, jumladan oliy ta’lim sohasidagi aloqalarni yanada rivojlantirish to‘g‘risidagi O‘zbekiston—Yaponiya kelishuvlarini amalga oshirish doirasida Jahon iqtisodiyoti va diplomatiya universitetida ma’ruza o‘qish uchun keldi.

Tashqi ishlar vazirligida bo‘lib o‘tgan uchrashuvda O‘zbekiston va Yaponiya o‘rtasidagi hamkorlikning dolzarb masalalari yuzasidan fikr almashildi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!