Qirolicha Yelizavetaning ko‘kargan qo‘li britaniyaliklarni qo‘rqitib yubordi
Buyuk Britaniya qirolichasi Yelizaveta II ning ko‘kargan qo‘li qirollik fuqarolarini qo‘rqitib yubordi, deb xabar qilmoqda Sputnik The Daily Mirror tabloidiga tayanib.
Yelizaveta va malika Anna Bukingem saroyida Iordaniya qiroli Abdulla II va qirolicha Raniyani, shuningdek, merosxo‘r shahzoda Husaynni qabul qilgan.
??Internet tarmog‘ida tarqalib ketgan qabul chog‘ida olingan suratlarda qirollik oilasi muxlislari monarx qo‘lida ulkan ko‘k dog‘ni ko‘rgan.
Yelizavetaning “siyohrang qo‘li” britaniyalik foydalanuvchilar orasida qizg‘in muhokamalarga sabab bo‘ldi.
“Xudoyim... Hazrati oliyalarining qo‘llarini yaralashgandek ko‘rinmoqda... Jarohat tezda bitib ketadi, deb umid qilaman”, — deb yozgan yuzerlardan biri Twitter’da.
“Mazalari yo‘q”, — degan yana biri.
Ta’kidlanishicha, qirolichaning qo‘li biron bir kasallik oqibatida g‘alati rangga kirgan.
Manba: Daryo.uz