Surxondaryoda mahalladoshining uyidan qariyb 5 mln so‘m o‘g‘irlagan ayol ushlandi

2019-yil 27-fevral kuni Surxondaryo viloyatining Sariosiyo tumanida noma’lum shaxs Sharq Yulduzi mahallasi Qorasuv qishlog‘ida yashovchi T.B.ning uyi eshigini buzib kirib, xonasidan 4 700 000 so‘m pulini o‘g‘irlab ketgan. Holat yuzasidan jinoyat ishi qo‘zg‘atilgan edi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Ko‘rilgan choralar natijasida ushbu jinoyatni Sharq Yulduzi mahallasida yashovchi L.P. ismli ayol sodir etganligi aniqlanib, ushlangan. Tergov harakatlari davom etmoqda.