Pokiston havo hududini yopiq saqlash muddatini uzaytirdi

Pokiston fuqarolik aviatsiyasi boshqarmasi Hindiston—Pokiston kelishmovchiligining kuchayishi oqibatida o‘z havo hududidan foydalanish taqiqini seshanba tongigacha yana uzaytirdi. Bu haqda “Interfaks” xabar berdi.

“Pokiston havo hududi 2019-yilning 5-mart kuni soat 08:00 ga qadar barcha amaliyotlar uchun yopiladi”, — deyiladi Pokiston fuqaro aviatsiyasi vakolatxonasi veb-saytida e’lon qilingan NOTAM xabarnomasida.

Aniqlanishicha, 1-martdan boshlab reyslarni qayta tiklashga ruxsat berilgan Karachi, Peshovar, Kvetta va Islomobod aeroportlarining aviaqatnovlari bundan mustasno.

Mavzuga doir: Pokiston havo hududini yopiq saqlashda davom etmoqda