Shavkat Mirziyoyev Buxorodagi Poyi Kalon majmuasida bo‘ldi. Masjidi Kalon va Mir Arab madrasasi qayta ta’mirlanadi

Buxoro viloyatida tashrif bilan bo‘lib turgan O‘zbekiston Prezidenti Shavkat Mirziyoyev Buxoro shahridagi Poyi Kalon majmuasida bo‘ldi, deya xabar bermoqda O‘zA.

Masjidi Kalon, Minorai Kalon va Mir Arab madrasasidan iborat mazkur me’moriy ansambl 1997-yil Buxoro shahrining 2500 yilligi munosabati bilan tubdan ta’mirlangan edi.

Shavkat Mirziyoyev o‘zbekistonliklar va O‘zbekistonga tashrif buyurayotgan sayyohlarga yanada qulaylik yaratish maqsadida hunarmandlik rastalari, do‘konlarni qayta qurish bo‘yicha ko‘rsatmalar berdi.

O‘zbekiston Prezidenti Masjidi Kalon va Mir Arab madrasalarini qayta ta’mirlash bo‘yicha mutassadilarga tegishli ko‘rsatmalar berdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!