Farg‘onada o‘tgan yozdagi o‘g‘rilik bo‘yicha jabrlanuvchining tanishi qo‘lga olindi

28-fevral kuni Farg‘ona viloyatining Bog‘dod tumanida yashovchi H.R. IIBga murojaat qilib, 2018 yil 3 iyun kuni Istiqlol ko‘chasida yashovchi Sh.J. ismli tanishi uning uyi xonasidan 2 100 AQSH dollarini o‘g‘irlab ketganligini ma’lum qilgan.

IIV Jamoatchilik va ommaviy axborot vositalari bilan aloqalar boshqarmasidan xabar berishlaricha, ko‘rilgan choralar natijasida Sh.J. qo‘lga olingan.

“Holat yuzasidan jinoyat ishi qo‘zg‘atilib, tergov harakatlari olib borilmoqda”, — deyiladi IIV axborotida.