Galkin Alla Pugachyovaning sahnaga qaytib kelishidagi qiyinchiliklar haqida gapirdi

Teleboshlovchi Maksim Galkin Kira Proshutinskayaning dasturida 70 yoshini nishonlash uchun yana sahnaga chiqishga tayyorgarlik ko‘rayotgan turmush o‘rtog‘i Alla Pugachyovani qanday qiyinchiliklar kutayotgani haqida gapirdi. Bu haqda “Mk.ru” xabar berdi.

Galkinning so‘zlariga ko‘ra, Alla Pugachyova o‘zini butunlay oilasiga va farzandlarining tarbiyasiga bag‘ishlagan. Bu esa qachonlardir katta sahnalarni “portlatgan” paytlarini eslashga xalaqit beradi.

“Sahna uchun uy bekasi emas, san’atkor kerak”, — deydi Galkin.

Galkin, shuningdek, katta konsertdan oldin OAVning e’tibori Allaga qaratilgani hamda bu vaqtda u Allaning matbuot kotibi vazifasini bajarib, jurnalistlar bilan gaplashishi kerakligini ham tan olgan.

“Bu mening nafsoniyatimga tegmaydi”, — deydi Galkin.