Farg‘onada fuqaro rashk tufayli xotinini urib-tepib o‘ldirdi

2019-yil 9-mart kuni Farg‘ona viloyatining O‘zbekiston tumanida yashovchi Sh.G‘. mast holda uyida rashk oqibatida birga yashagan turmush o‘rtog‘i G.G‘.(ismli ayol)ning bosh va yuz qismlariga urib-tepib jarohat yetkazgan. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Natijada G.G‘. kasalxonaga keltirilganida vafot etgan. Sh.G‘. ushlangan. Holat yuzasidan jinoyat ishi qo‘zg‘atilib, tergov harakatlari olib borilmoqda.