Ivanka Trampning asl nomi boshqa ekanligi ma’lum bo‘ldi

AQSh prezidenti Donald Trampning qizi Ivanka Tramp tug‘ilganida asli Ivana deb nomlangan. Ivankaning 2010-yildagi tvitiga AOL nashri e’tibor qaratdi, deya xabar beradi “Korrespondent.net”.

“Mening haqiqiy ismim Ivana. Chexiyada Ivanka Ivananing kichraytirilgan ko‘rinishi, xuddi Robert Bobbi deyilganidek”, — deb yozadi Ivanka Twitter‘dagi sahifasida.

Ma’lumot uchun, Ivanka Donald Tramp va chex fotomodeli Ivana Zelnichkovaning qizi bo‘lib, ular 15 yillik turmushdan so‘ng 1992-yilda ajralishgan. AQSh prezidentining ushbu nikohdan Ivankadan tashqari yana ikki o‘g‘li — kichik Donald Tramp va Erik Tramp ham bor.