Jangga 3 kun qolganda Bahodir Jalolovning raqibi o‘zgardi
Professional boksning o‘ta og‘ir vazn (+90,7 kg) toifasi vakili o‘zbekistonlik Bahodir Jalolov (4 ta g‘alaba, 4 ta nokaut) 15-mart kuni AQShda o‘zining beshinchi jangini o‘tkazishi kerak edi. Ammo jangga uch kun qolganda Bahodirning raqibi o‘zgardi.
Aslida Jalolov kolumbiyalik Santander Silgadoga (28 ta g‘alaba, 6 ta mag‘lubiyat) qarshi o‘tkazishi kerak edi.
Ma’lum bo‘lishicha, o‘zbekistonlik bokschi endi amerikalik bokschi Villi Harveyga qarshi ringga ko‘tariladi. Jang Kaliforniya shtatining Tastin shahrida o‘tkaziladi.
Eslatib o‘tamiz, Bahodir 2018-yilning 9-dekabrida amerikalik Valentin Markesga qarshi ringga ko‘tarilib, uni 1-raunddayoq nokautga uchratgandi.
Ma’lumot uchun, Harvey 5 marotaba jang o‘tkazib, ularning 3 tasida g‘olib bo‘lgan (3 ta nokaut). 1 marta mag‘lub bo‘lgan va yana 1 marta durangga erishgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Manba: Daryo.uz