14-mart kuni Toshkentning ayrim ko‘chalarida transport harakati qisman cheklanadi

14-mart kuni Toshkent shahridagi ayrim ko‘chalarda yo‘l yotiq chiziqlari chizilishi munosabati bilan yo‘l qatnov qismida harakat qisman cheklanadi.

Toshkent shahar hokimligi matbuot xizmatining xabar berishicha:

Beshyog‘och ko‘chasining Furqat ko‘chasidan I.Karimov ko‘chasigacha bo‘lgan qismi soat 11:00 dan 18:00 gacha.

Olmazor ko‘chasining Beshyog‘och ko‘chasidan Navoiy ko‘chasigacha bo‘lgan qismi soat 11:00 dan 18:00 gacha.

I.Karimov ko‘chasining Olmazor ko‘chasidan Bunyodkor ko‘chasigacha bo‘lgan qismi soat 11:00 dan 18:00 gacha.

Qoratosh ko‘chasining Bunyodkor ko‘chasidan 1-shahar shifoxonasigacha bo‘lgan qismi soat 11:00 dan 18:00 gacha qisman yopiladi.