Sadio Mane “Liverpul”ning so‘nggi 10 ta o‘yinida 10 ta gol urdi

13-mart, chorshanba kuni Yevropa Chempionlar Ligasi 1/8 finalining “Bavariya”ga qarshi kechgan javob o‘yinida “Liverpul” hujumchisi Sadio Mane dublga erishdi (3:1).

Mane “Liverpul” tarkibida mazkur musobaqaning mehmonda kechgan uchrashuvlarida 7 ta gol urishga muvaffaq bo‘ldi. Bu haqda Opta xabar berdi.

U bu ko‘rsatkichda Stiven Jerrard va Roberto Firminoni quvib o‘tdi. Ularning hisobida 6 tadan gol mavjud.

Bundan tashqari senegallik futbolchi “mersisaydliklar” safida so‘nggi 10 ta uchrashuvda maydonga tushib, 10 ta golga mualliflik qildi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!