Chinozdagi xonadondan 49 yoshli fuqaroning o‘ligi topildi

15-mart kuni Toshkent viloyatining Chinoz tumani “Rasulobod” mahallasida yashagan 49 yoshli R.G‘.ning jasadi uyidan tan jarohatlari bilan topilgan edi.

Olib borilgan surishtiruv ishlari natijasida R.G‘. 14-mart kuni uyida tanishi, “Rasulobod” mahallasi Do‘stlik ko‘chasida yashovchi M.Sh. bilan spirtli ichimlik iste’mol qilib, o‘zaro janjallashgani aniqlangan.

Janjal oqibatida M.Sh. R.G‘.ni tanasining turli joylariga urib-tepib, jarohat yetkazganligi aniqlanib, ushlangan. “Holat yuzasidan jinoyat ishi qo‘zg‘atilib, tergov harakatlari olib borilmoqda”, — deyiladi IIV xabarida.