Xames Rodriges Bundesliga tarixiga kirdi

17-mart, yakshanba kuni futbol bo‘yicha Germaniya Bundesligasining 26-turidan o‘rin olgan “Bavariya”—“Mayns” uchrashuvida myunxenliklar yarim himoyachisi Xames Rodriges het-trikka erishdi (6:0).

27 yoshli futbolchi Germaniya chempionatida het-trikka erishgan birinchi kolumbiyalik bo‘ldi, deb xabar berdi Gracenote Live.

Eslatib o‘tamiz, Xames joriy mavsum Bundesligada 17 ta uchrashuvda maydonga tushib, 7 ta gol urdi va 4 ta golga assistentlik qildi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!