Poroshenko Qrim Ukraina tarkibiga albatta qaytarilishini bildirdi

Qrim Ukraina tarkibiga albatta qaytariladi. Bu haqda Ukraina prezidenti Pyotr Poroshenko ma’lum qildi, deya xabar beradi uning matbuot xizmati.

Poroshenko mamlakat yarim orolni qaytarish borasida “hech qanday savdo-sotiq va kelishuvlarga bormasligi ”ni bildirdi.

“Biz buni imkoni boricha tezroq, prezidentlik saylovidan keyinoq amalga oshirish uchun barcha choralarni ko‘ramiz. Biz Qrimni albatta ozod qilamiz. Donbass bo‘yicha ham shunday bo‘ladi. Ukraina buning uchun harbiy qudratini oshirmoqda, iqtisodiy o‘sishni ta’minlamoqda, xalqaro hamjamiyatning qo‘llab-quvvatlashiga erishmoqda”, — dedi Ukraina prezidenti.