Toshkent yashash uchun eng arzon shaharlar reytingida uchinchi o‘rinni egalladi

Economist Intelligence Unit ekspertlari har yilgi Worldwide Cost of Living report hisobotini e’lon qildi. Ushbu hisobot doirasida dunyoning eng qimmat va eng arzon shaharlari reytingi e’lon qilindi.

Reytingni tuzish uchun 160 ta tovar va xizmat, jumladan oziq-ovqat mahsulotlari, ichimliklar, kiyim-kechaklar va turar-joy ijarasi narxlari tahlil qilindi.

Toshkent yashash uchun eng arzon shaharlar reytingida uchinchi o‘rinni egalladi. Suriyaning Damashq va Venesuelaning Karakas shaharlari uni ortda qoldirdi. To‘rtinchi o‘rinni esa Qozog‘istonning Olmaota shahri egalladi.

Hayot uchun eng qimmat shaharlar esa Singapur, Parij va Gonkong bo‘ldi.