Xames Rodriges “Real”ga qaytishi mumkin
“Bavariya”da ijara asosida to‘p surayotgan “Real” yarim himoyachisi Xames Rodrigesning kelajagi noaniqligicha qolmoqda, deb yozadi Marca.
Manbaga ko‘ra, futbolchi Myunxenda qolishni istamayapti, u yozda Madrid klubiga qaytmoqchi. Kolumbiyalik Florentino Peres hamda Zinedin Zidan bilan bu borada gaplashib olishni rejalashtirmoqda. Agar “Real” futbolchi xizmatlariga qiziqish bildirmasa, u boshqa klubga o‘tadi.
“Kelajakda nima bo‘lishini hech kim bilmaydi. Klublar muzokara olib boradi. Men hammasidan xursandman va bu yerda o‘zimni qulay his qilmoqdaman. Kovach — yaxshi murabbiy. Biz u bilan ko‘plab sovrinlarni qo‘lga kiritishimizga ishonaman”, — deydi Xames.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Manba: Daryo.uz
Добавить комментарий!
- отсутствуют