Nyu-Yorkda noma’lum shaxs yo‘lovchilarni o‘qqa tutdi

Nyu-Yorkda noma’lum shaxs ko‘chada ketayotgan yo‘lovchilarni o‘qqa tutdi, deb xabar berdi NBC New York.

Otishma oqibatida uch kishi yaralangan bo‘lib, ular kasalxonaga yotqizilgan.

Voqea Manxettenning sharqiy Garlem tumanida mahalliy vaqt bilan soat 20:00 da sodir bo‘lgan. Politsiya jinoyatchini qo‘lga ololmagan.

Huquq-tartibot organlari otishma mahalliy jinoiy guruh bilan bog‘liqligini tekshirmoqda.

Bundan bir kun avval Niderlandiyaning Utrext shahridagi tramvaylardan birida otishma sodir bo‘lgan edi. Otishma oqibatida 3 kishi halok bo‘lgan, 9 kishi jarohatlangan.