Amerikalik erkak hindlarni arablar bilan adashtirib, ularning do‘koniga o‘t qo‘ydi

Florida shtatida yashovchi erkak hindlar egalik qiluvchi do‘konni yoqib yubordi, chunki u hindlarni arablar deb adashgan edi. Bu haqda “TASS” xabar berdi.

O‘t qo‘yib yuborgan fuqaro “arablarning mamlakatdan chiqib ketishini” xohlagan. AQShda so‘nggi paytlarda hindlarga hujumlar tez-tez sodir bo‘lmoqda, deyiladi xabarda.

Telekanal ma’lumotlariga ko‘ra, hodisa 10-mart, juma kuni sodir bo‘lgan. 64 yoshli Richard Lloyd axlat qutisini do‘kon yoniga dumalatib borgan va uni yoqib yuborgan. Xayriyat, yong‘inni tezda bartaraf etishgan.

Lloyd qo‘lga olingan, u politsiyaga do‘kon musulmon arablarga tegishli deb o‘ylaganini va “ular Yaqin Sharqda qilayotgan ishlardan g‘azabda ekanligini” aytgan. Erkak bu ishni “Amerikani deb” qilganini ta’kidladi.