Qozog‘istonliklar Ostonani qayta nomlashga qarshi chiqdi

Qozog‘iston faollari poytaxtning nomini “Nursulton”ga o‘zgartirishga qarshi petitsiya uyushtirib, aholidan imzo to‘pladi. Bu haqda “Mk.ru” xabar berdi.

Mahalliy aholining so‘zlariga ko‘ra, poytaxtning nomini o‘zgartirish uchun budjet mablag‘larining katta miqdorda investitsiyalari talab etiladi. Tibbiyot, ta’lim yoki ijtimoiy yordamga sarflanadigan pullar yozuv taxtachalariga va hujjatlarni qayta yozishga ketadi.

Bundan tashqari, Ostona jahon arenasida endigina tanilgan brend. Petitsiya mualliflari qayta nomlash masalasi avval xalq bilan maslahat qilinishi kerak degan fikrda.

“Qaror haqqoniy va ochiq ovoz berish (referendum) yo‘li bilan qabul qilinishi kerak”, — deydi qozog‘istonliklar.