Qoraqalpog‘istonning Qanliko‘l tumani hokimi tayinlandi

Qoraqalpog‘iston Respublikasi Suv xo‘jaligi vaziri o‘rinbosari lavozimida ishlab kelgan Dao‘let Toliboyev Qanliko‘l tumani hokimi etib tayinlandi. Bu haqda O‘zA xabar bermoqda.

Ushbu masala Xalq deputatlari tuman kengashining navbatdan tashqari ellik uchinchi sessiyasida ko‘rib chiqilib, tasdiqlandi.

Ushbu masala bo‘yicha deputatlar va tuman faollari so‘zga chiqib, uning nomzodini qo‘llab-quvvatladi.

Sessiyada Qoraqalpog‘iston Respublikasi Jo‘qorg‘i Kengesi Raisi M.Yerniyazov ishtirok etdi va tumanni ijtimoiy-iqtisodiy rivojlantirish vazifalari bo‘yicha nutq so‘zladi.

Ma’lumot o‘rnida, Dao‘let Toliboyev 1983-yilda Nukus shahrida tug‘ilgan. 2007-yilda O‘zbekiston Milliy universitetini tamomlagan.