Tailandda Txam Luang g‘oridan bolalarni qutqargan 187 kishi qirol tomonidan mukofotlandi

Tailand qiroli Maxa Vachiralongkorn (Rama X) “O‘rmon to‘ng‘izlari” futbol jamoasining 12 nafar futbolchisi va ularning murabbiyi o‘tgan yili ikki haftacha vaqt o‘tkazgan Txam Luang g‘oridagi qidiruv-qutqaruv operatsiyasida ishtirok etgan 187 kishini mukofotladi, deb xabar berdi “TASS”.

Mukofotlanganlar orasida Buyuk Britaniya, Avstraliya, Belgiya, Kanada. Daniya, Xitoy, Germaniya, Yaponiya, Ukraina va Laos fuqarolari hisonlanmish 115 nafar xorijliklar ham bor.

Ularning barchasiga Direkgunabxorn ordeni topshiriladi.

“Tailand hukumati xavf ostida qolgan kishilarga yordam berib, xayrli ish qilgan insonlar hurmatga sazovor ekanligini e’tirof etadi”, — deyiladi xabarda.

Mavzuga doir: Tailandda 9 kun avval yo‘qolib qolgan 12 nafar maktab o‘quvchisi topildi