Andijon universitetining uch nafar talabasi Qozog‘istonda tahsilni davom ettiradi

Andijon davlat va Jettisuv davlat universitetlari o‘rtasida imzolangan memorandumga ko‘ra uch nafar iqtidorli talaba Qozog‘istonga o‘qishga yuborildi. Bu haqda Oliy va o‘rta maxsus ta’lim vazirligi ma’lum qildi.

Universitetning fizika va matematik ta’limi yo‘nalishi 3-bosqich talabalari Ahmadn Xo‘jaboboyev, Abduvohid Bakishev va Sherzod To‘xtasinov o‘quv yilining ikkinchi yarmidan bir semestr davomida Jettisuv davlat universitetida tahsil oladi.

Kelgusida ikki OTM hamkorlikda professor-o‘qituvchilar malakasini oshirish, ilmiy tadqiqot olib borish, o‘zaro axborot va tajriba almashishni yo‘lga qo‘yadi.

Memorandumda Jettisuv davlat universiteti talabalarining Andijon davlat universitetida ham tahsil olishi nazarda tutilgan.