“Barselona” Koutinyoni sotib yuborishga tayyorligi ma’lum bo‘ldi

“Barselona” yarim himoyachisi Filippe Koutinyo mavsum so‘ngida klubni tark etishi mumkin, deb xabar beradi Marca.

Kataloniya klubi braziliyalikni eng omadsiz transferlardan deb hisoblamoqda va o‘yinchini kamida 100 million yevroga sotib yuborishga tayyor.

2018-yilning yanvar oyida Koutinyo “Barselona”ga “Liverpul”dan 160 million yevro hamda qo‘shimcha bonuslar evaziga kelib qo‘shilgandi.

Eslatib o‘tamiz, 26 yoshli futbolchi joriy mavsum La Ligada 26 ta uchrashuvda maydonga tushib, 4 ta gol urdi va 2 ta golli uzatma berdi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!