OPEK Xalqaro rivojlanish fondi Namanganda 54 mln dollarlik loyihani amalga oshiradi

Neft eksport qiluvchi davlatlar tashkiloti — OPEK qoshidagi Xalqaro rivojlanish fondi (OFID) tomonidan Yangiqo‘rg‘on tumanining 22 ta aholi punkti va qisman Namangan shahrini ichimlik suvi bilan ta’minlashga bo‘yicha loyiha tasdiqlandi. Bu haqda TIV matbuot xizmati ma’lum qildi.

2020—2025-yillarda amalga oshirilishi mo‘ljallangan loyihaning umumiy qiymati 54 million AQSh dollariga teng.

Loyiha amalga oshirilishi natijasida Namangan viloyatining 200 mingdan ortiq asosan qishloq joylarida yashovchi aholisi toza ichimlik suvi bilan ta’minlanadi.

Ma’lumot uchun, mazkur kredit besh yillik imtiyozli muddat bilan 20 yilga beriladi.