Jahon banki O‘zbekistonga 200 mln dollar kredit ajratilishini ma’qulladi

Jahon banki direktorlar kengashi O‘zbekistonga 200 million dollar kredit ajratilishini ma’qulladi. Bu haqda “Podrobno.uz” xabar bermoqda.

Kredit mablag‘lari Farg‘ona vodiysida mikro, kichik va o‘rta korxonalarni qo‘llab-quvvatlashga yo‘naltiriladi.

“Jahon banki Farg‘ona vodiysida yangi loyihani qo‘llab-quvvatlashdan mamnunligini bildiradi. Bugungi kunda ushbu mintaqada 49 000 mikro va kichik firma, 84 000 fermer xo‘jaligi va juda ko‘plab xususiy tadbirkorlar ish olib bormoqda.Mazkur loyiha ularning biznesi kengayishi, daromadi ortishi va 20 minggacha yangi ish o‘rni yaratilishiga olib keladi”, — dedi Jahon bankining O‘zbekistondagi vakolatxonasi rahbari Xideki Mori.