Fransiya musulmonlari Yangi Zelandiyadagi masjidlarga hujum videosi translyatsiya qilingani uchun Facebook va YouTube’ni sudga berdi

Fransiya musulmonlar kengashi platformalarida Yangi Zelandiyadagi masjidlarga hujum videosi translyatsiya qilingani uchun Facebook va YouTube’ni sudga berdi. Bu haqda Meduza ma’lum qildi.

Da’vogarlar ijtimoiy tarmoq va videoxostingni voyaga yetmaganlar ko‘rishi mumkin bo‘lgan “insoniyatga dog‘ tushiriruvchi va terrorizmni yoqlovchi” materiallarni tarqatishda ayblamoqda. Fransiya qonunchiligida bunday harakatlar uchun 3 yil qamoq jazosi va 75 ming yevro jarima ko‘zda tutilgan.

Da’voda Kraystcherchdagi masjidlarga hujum qilgan shaxs olib borgan translyatsiyani to‘xtatish uchun Facebook’ka juda ko‘p vaqt kerak talab qilingani, keyinchalik video tarqatilishiga chek qo‘yishning imkoni bo‘lmagani bildirilgan.