AQSh Eronga qarshi sanksiyalar ro‘yxatini kengaytirdi

AQSh Eronning jismoniy shaxslari va tashkilotlariga nisbatan yangi sanksiyalar joriy etdi. Bu haqda mamlakat moliya vazirligi ma’lumotiga tayanib “Gazeta.ru” xabar qiladi.

Ta’kidlanishicha, to‘qqiz nafar jismoniy shaxs, shuningdek, 16 ta tashkilot sanksiyalar ro‘yxatiga tushgan.

Vazirlik ma’lumotlariga ko‘ra, sanksiyalar ro‘yxatiga, Amerikaning fikricha, terroristik faoliyatga aloqador va Eronning yadroviy dasturiga jalb qilingan odamlar va tashkilotlar kiritilgan.

Avvalroq, AQSh Venesuelaga qarshi yangi sanksiyalar joriy etgani haqida xabar berilgan edi.

Hamda, undan oldin AQSh Xitoyga qarshi sanksiyalarni qo‘llagan.