Minglab yo‘lovchilari bilan cho‘kib ketishiga oz qolgan kruiz layneri ularni yangi sayohatga taklif qildi

Norvegiya qirg‘oqlari yaqinida kuchli bo‘ron oqibatida halokatga uchragan va cho‘kib ketishiga bir bahya qolgan Viking Sky kruiz layneri, o‘z yo‘lovchilariga chipta uchun sarflangan pulni qaytarib beradi va yangi kruizga taklif qiladi, deya xabar beradi “Gazeta.ru”.

Bundan tashqari, layner egasi bo‘lgan Viking kompaniyasi barcha jabrlangan yo‘lovchilarni uylariga jo‘natish sarf-xarajatlarini o‘z zimmasiga olishga va’da berdi.

Hozircha, kruiz layneri yo‘lovchilaridan birortasi kompaniyaga nisbatan da’vo qilish niyati bor-yo‘qligi ma’lum emas.