MH17 halokati. Niderlandiya va Avstraliya Rossiya bilan muzokaralarni boshladi

Mart oyida Niderlandiya, Avstraliya va Rossiya ilk marta Malayziyaning urib tushirilgan Boeing MH17 reysi uchun RF javobgarligi to‘g‘risida muzokaralar o‘tkazdi, deb xabar berdi “Liga Novosti”.

Avstraliya va Niderlandiya tashqi ishlar vazirliklari aviahalokat qurbonlariga nisbatan haqiqat qaror topishi yo‘lida barcha imkoniyatni ishga solayotganini ma’lum qildi.

Ushbu muzokaralardan biron natija bo‘ldimi, yo‘qmi hozircha noma’lum.

Niderlandiya tashqi ishlar vaziri Stefan Blok ushbu bosqichda maxfiylik hal qiluvchi ahamiyatga ega ekanligini ma’lum qildi. Muzokaralar o‘tkazilayotgan hudud ham hozircha sir saqlanmoqda.