Buyuk Britaniyadagi eng xunuk kuchuk vafot etdi

Buyuk Britaniyadagi eng xunuk hisoblangan kuchuk 16 yoshida pankreatit kasalligidan vafot etdi, deb yozadi “TASS”.

Bu haqda uning egasi Storm Sheyler o‘zining Facebook’dagi sahifasida ma’lum qilgan.

2017-yilda Cheyz laqabli Xitoyning mitti teryeri Kaliforniyada o‘tkazilgan Dunyodagi eng xunuk kuchuk tanlovida uchinchi o‘rinni egallagan. Kuchukning tishlari va tuklari to‘kilgan, oyoqlari cho‘loq va o‘ng ko‘zi ko‘r bo‘lgan.

“Shunga qaramay, kuchukning ichki dunyosi chiroyli bo‘lgan. Men uni doim o‘zim bilan olib yurardim. U juda quvnoq va o‘ziga xos jihatlarga ega edi. Cheyz odamlarni sevardi, odamlar ham uni yaxshi ko‘rgan”, — deydi Storm Sheyler.