GM Korea O‘zbekistonda yangi avtomobillar uchun ehtiyot qismlar ishlab chiqarishda ko‘maklashadi

Seulda “O‘zavtosanoat” AJ, General Motors va GM Korea Supplier Association (Janubiy Koreya) o‘rtasida o‘zaro anglashuv memorandumi imzolandi.

Tomonlar GM Uzbekistan‘da ishlab chiqarish rejalashtirilayotgan yangi avtomobillar uchun avtomobil butlovchi va ehtiyot qismlari ishlab chiqarishni mahalliylashtirish borasidagi hamkorlik asosida O‘zbekiston avtomobil tarmog‘i rivojlanishini qo‘llab-quvvatlashga kelishib oldi. Bunda kompaniyalar O‘zbekistondagi mahalliylashtirish loyihalariga koreyalik yetkazib beruvchilarni jalb qilish uchun maksimal sa’y-harakatlar qiladi.

Shuningdek, uchrashuv ishtirokchilari ushbu loyihalarga to‘g‘ridan-to‘g‘ri investitsiyalarni jalb qilish hamkorlikning ustuvor yo‘nalishi bo‘lishini qayd etdi.

Bundan tashqari, tomonlar O‘zbekistonda joriy yil iyun oyida yetkazib beruvchilar simpoziumini tashkil etishga kelishib oldi . Unda koreyalik sheriklarga O‘zbekistonda biznes yuritishning barcha imkoniyatlari namoyish etiladi.