Putin davlat tashrifi bilan Qirg‘izistonga keldi

Rossiya prezidenti Vladimir Putin davlat tashrifi bilan Qirg‘izistonga keldi. Bu haqda Qirg‘iziston prezidenti matbuot xizmati ma’lum qildi.

“Manas” xalqaro aeroportida uni Qirg‘iziston prezidenti Sooronbay Jeenbekov kutib oldi.

Rasmiy uchrashuv “Ola-archa” davlat qarorgohida bo‘lib o‘tadi. Davlat rahbarlari avval yuzma-yuz muloqotda bo‘ladi, shundan so‘ng ikki mamlakat delegatsiyalari ishtirokida kengaytirilgan muzokaralar o‘tkaziladi.

Shuningdek, Putin VIII Rossiya—Qirg‘iziston mintaqalararo anjumanida ishtirok etishi va Chingiz Aytmatovning uy-muzeyiga borishi ko‘zda tutilgan.