O‘zbekiston aholisini ro‘yxatga olish 30 yildan buyon amalga oshirilmagan

2022-yilda O‘zbekiston aholisini ro‘yxatga olish tadbiri o‘tkaziladi, deya xabar beradi O‘zA.

Mazkur tadbir jahon standartlari asosida maksimal mukammallikda o‘tkazilishi kutilmoqda.

Ayni damdagi aholi ro‘yxati xato bo‘lib chiqishi ehtimoli bor. Ya’ni O‘zbekiston aholisi 33 milliondan ko‘p yoki kam bo‘lishi ham mumkin.

BMT tavsiyasiga ko‘ra, aholini ro‘yxatga olish tartibi har 10 yilda o‘tkazilishi lozim.

O‘zbekistonda bu tadbir 30 yil ichida o‘tkazilmoqda. Ro‘yxatga olish tadbiriga 150 ming kishi jalb etiladi. Bundan keyin har 10 yilda aholini ro‘yxatga olish tadbiri o‘tkaziladi.

Bu yil qo‘shni davlatlardan Qozog‘istonda ham aholini ro‘yxatdan o‘tkazish tadbiri o‘tkaziladi.