Qur’oni Karimning qoraqalpoq tilidagi ilk ma’nolar tarjimasi nashr qilindi

“O‘zbekiston” nashriyot matbaa-ijodiy uyi tomonidan “Qur’oni Karim ma’nolarining qoraqalpoq tilidagi tarjimasi va tafsiri” nomli kitob 8 ming nusxada nashr etildi. Bu haqda O‘zA xabar berdi.

Mazkur kitob tarjimon Shamsuddin Bahouddinovning ijodiy mehnati mahsulidir.

Unda islom dinining asosiy manbasi hisoblangan Qur’oni Karimning qoraqalpoq tilidagi ilk tafsiri joy olgan.

Kitobga, shuningdek, Shayx Abdulaziz Mansurning tafsir kitobi va arab tilidagi tafsir kitoblar manba qilib olingan.