O‘rta yer dengizida muhojirlar tomonidan qo‘lga olingan kema ozod qilindi

Malta armiyasi maxsus kuchlari O‘rta yer dengizida muhojirlar tomonidan qo‘lga olingan kemani o‘z nazoratiga oldi, deya xabar beradi “Meduza”.

Harbiylarning so‘zlariga ko‘ra, ular kema kapitani bilan bog‘langanida, u kemani nazoratida emasligini aytgan. Uning so‘zlariga ko‘ra, muhojirlar unga va uning jamoasiga tahdid qilan hamda yo‘nalishni Maltaga burishni talab qilgan.

Tanker Maltaning hududiy suvlariga yaqinlashganda, u patrul kemasi tomonidan to‘xtatilgan, shundan so‘ng maxsus kuchlar jamoasi kemaga kirib, ekipajni ozod qilgan.