Chexiyada tramvay va trolleybus to‘qnashuvi oqibatida 40 kishi jabrlandi

Chexiya Respublikasining janubi-sharqidagi Brno shahrida tramvay va trolleybus to‘qnashuvi natijasida qirq kishi jarohatlandi, deya xabar beradi “Gazeta.ru”.

Odamlar turli darajadagi jarohatlar oldi. Besh kishi og‘ir jarohat olgan va jonlantirish bo‘limiga yetkazilgan. To‘qnashuv Masna va Krjenov ko‘chalari kesishmasida sodir bo‘lgan. 33-sonli trolleybus yo‘lovchilari yo‘q bo‘lgan tramvay bilan to‘qnashgan.

Politsiya voqea sababini aniqlamoqda.

Hozirda to‘qnashuv sodir bo‘lgan ko‘cha yopib qo‘yilgan.