Xalq banki raisi “O‘zbekchorvanasl” agentligi bosh direktori bo‘ldi

O‘zbekiston Respublikasi Prezidenti qaroriga asosan aksiyadorlik tijorat Xalq banki Boshqaruvi Raisi Abdurasul Abdullayev Veterinariya va chorvachilikni rivojlantirish davlat qo‘mitasi raisining o‘rinbosari – “O‘zbekchorvanasl” agentligi bosh direktori lavozimiga tayinlandi. Bu haqda Xalq banki matbuot xizmati xabar berdi.

“Shu o‘rinda, turli ijtimoiy tarmoqlarda tarqatilayotgan AT Xalq banki Boshqaruviga yangi Rais tayinlangani haqidagi xabarlar asosli emasligini ma’lum qilamiz.

O‘zbekiston Respublikasi Vazirlar Mahkamasi tomonidan AT Xalq banki Boshqaruvi Raisi tayinlangandan so‘ng rasman ma’lum qilamiz”, — deyiladi xabarda.