O‘zbekiston budjetiga birinchi chorakda 18,4 trln so‘m soliq tushumlari kelib tushdi

O‘zbekistonda joriy yil birinchi choragida davlat budjetiga 18,4 trillion so‘m soliq tushumlari kelib tushdi. Bu o‘tgan yilning shu davriga nisbatan 1,7 barobar ko‘p, deya xabar beradi  Soliq qo‘mitasi.

Shuningdek, birinchi chorakda qo‘shimcha qiymat solig‘i bo‘yicha tushumlar ham ikki barobar ko‘paydi. Uni to‘lovchilar soni esa 5 barobar oshdi va 35 ming subyektga yetdi.

Birinchi chorakda daromad solig‘i tushumlari ham o‘tgan yilning shu davriga solishtirganda 2,6 barobarga oshdi. Uni to‘layotgan tadbirkorlar soni 5 barobar ko‘payib, 32 mingdan oshdi.