» » Bektemir Meliqo‘ziyev professional boksga o‘tadigan bo‘ldi

Bektemir Meliqo‘ziyev professional boksga o‘tadigan bo‘ldi


Havaskor boks bo‘yicha Osiyo chempioni, Rio Olimpiadasi kumush medal sohibi, jahon chempionati sovrindori Bektemir Meliqo‘ziyev faoliyatini professional boksda davom ettiradigan bo‘ldi. Bu haqla GoSport xabar berdi.

So‘nggi vaqtlarda -81 kg vazn toifasida janglarda ishtirok etib kelayotgan Meliqo‘ziyev kuni kecha AQShga jo‘nab ketgan. Bektemir Meliqo‘ziyev u yerda ”Mir boksa” promouterlik kompaniyasi bilan shartnoma imzolashi kutilmoqda.

Ma’lumot uchun, mazkur promouterlik kompaniyasida bugungi kunda o‘zbekistonlik bir qator bokschilar, jumladan Shahram G‘iyosov (7 ta jang, 7 ta g‘alaba, 6 ta nokaut), Murodjon Ahmadaliyev (5 ta jang, 5 ta g‘alaba, 4 ta nokaut), Isroil Madrimov (2 ta jang, 2 ta g‘alaba, 2 ta nokaut) va Bahodir Jalolov (5 ta jang, 5 ta g‘alaba, 5 ta nokaut) shug‘ullanib kelishmoqda. Bektemir aynan mana shu kompaniya bilan shartnoma tuzayotgan navbatdagi o‘zbekistonlik sportchi bo‘ladi.

Eslatib o‘tamiz, kecha havaskor boks bo‘yicha jahon chempionati yo‘llanmasini taqdim etuvchi Osiyo chempionati uchun O‘zbekiston terma jamoasi tarkibi e’lon qilingan va undan Bektemir Meliqo‘ziyev o‘rin olmagandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!



Manba: Daryo.uz
Опубликовано: admin (3-04-2019, 12:14)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Что нужно улучшить на нашем сайте?

КТО НА САЙТЕ?
( 89) ( 0) ( 88) ( 1)
Юзеры:
- отсутствуют
Гости:
Роботы:
Последние 20 посетителей... - отсутствуют