Janubiy Koreya KXDRni mamlakatning ichki ishlariga aralashishga urinishda aybladi

Janubiy Koreya Respublikasi KXDRni uning ichki ishlariga aralashishga va prezidentlik saylovlari oldidan jamiyatni parchalashga urinishda aybladi. Bu haqda Respublika Birlashish vazirligi rasmiy vakili Seulda jurnalistlar uchun bo‘lib o‘tgan brifingda ma’lum qildi, deb yozadi “TASS”.

“Shimoliy Koreya ichki ishlarga (Koreya Respublikasining) aralashish va muddatdan oldingi prezidentlik saylovlari oldidan uning fuqarolari o‘rtasida nifoq solishni ko‘zlovchi signallarni yo‘llamoqda”, — deya ta’kidlaydi mansabdor.

Avvalroq KXDR markaziy gazetasi “Nodon sinmun” impichment tufayli lavozimini tark etgan Koreya Respublikasi sobiq prezidenti Pak Kin Xeni keskin tanqid qilgan edi.