“Tottenhem” — uy uchrashuvlarini 3 ta turli stadionda o‘tkazgan APL tarixidagi birinchi klub

3-aprel, chorshanba kuni futbol bo‘yicha Angliya chempionati 31-turining qoldirilgan uchrashuvida “Tottenhem” o‘zining yangi “Tottenham Hotspur Stadium” stadionida “Kristal Pelas”ni qabul qildi va 2:0 hisobida mag‘lubiyatga uchratdi.

Gracenote Live’ning xabar berishicha, London klubi uy uchrashuvlarini 3 ta turli stadionda o‘tkazgan Premyer liga tarixidagi birinchi klubga aylandi.

Bunga qadar “shporlar” uy uchrashuvlarini “White Hart Lane”da, so‘nggi ikki yilda esa “Uembli” stadionida o‘tkazib kelayotgan edi.

Eslatib o‘tamiz, londonliklar 64 ochko to‘plagan holda musobaqa jadvalida 3-o‘rinda bormoqda.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!