Harbiy xizmatchilar oqqon kasalligiga chalingan bolalarga donorlik qildi

4—5-aprel kunlari Toshkentda Mudofaa vazirligi tashabbusi bilan “Biz sen bilan, bolajon!” shiori ostida donorlik tashabbusi o‘tkazildi. Bu haqda Mudofaa vazirligi matbuot xizmati xabar berdi.

Mazkur aksiya tibbiy-ijtimoiy ko‘makka muhtoj bolalarni har tomonlama qo‘llab-quvvatlash, beg‘araz yordam muhitini kuchaytirish va fuqarolarni ko‘ngilli ravishda qon topshirishga chaqirish orqali bemor bolalar hayotini saqlab qolishga qaratilgan.

Ikki kun davom etgan aksiya doirasida yuzlab harbiy xizmatchilar o‘z xohishi bilan oqqon kasalligiga chalingan bemor bolalar uchun donorlik qonini topshirgan.